Лавров пристигна во посета на Белград

Шефот на руската дипломатија Сергеј Лавров попладнево допатува во дводневна посета на Србија, каде што со српските претставници ќе разговара за билатералните односи, економската соработка, ситуацијата на Западниот Балкан и за решавањето на косовското прашање.


На аеродромот Никола Тесла во Белград, Лавров беше пречекан од неговиот српски колега Ивица Дачиќ.


Вечерва рускиот министер се среќава со српскиот претседател Александар Вучиќ, а за утре се предвидени одвоени средби со Дачиќ и со премиерката Ана Брнабиќ.


Лавров допатува во посета на Србија по повод 180 години од воспоставувањето дипломатски односи меѓу Србија и Русија.