Критики кон Бутарис за изјавата за преименување на солунскиот аеродром

Реакции во грчката јавност предизвика изјавата на градоначалникот на Солун Јанис Бутарис, кој рече дека аеродромот „Македонија“ може да се преименува во „Никос Галис.“


Предлогот на Бутарис е негов предлог, мислам дека не влегува во плановите на грчката Влада и мислам дека не е предлог што во овој момент би требало да се разгледа, изјави министерот за поморство Нектариод Санторињос.


Одговорниот за надворешна политика во опозициската Нова демократијана Твитер напиша „градоначалникот да ги остави дипломатијата и преговорите на дипломатите и да се занимава со своите надлежности“, додека членот на опозициската група во општинскиот совет на град Солун, Ставрос Калафатис побара Бутарис да си поднесе оставка.


Бутарис синоќа говорејќи пред општинскиот совет ја постави дилемата што ќе прави Грција со името „Македонија“ на аеродромот и на автобуската станица, со објаснување дека многумина што пристигнуваат на солунскиот аеродром „Македонија“ мислат дека се во Скопје.