Вашингтон разочаран од законот за Холокаустот во Полска

Соединетите држави изразија разочарување поради тоа што полскиот претседател Аджеј Дуда го потпиша спорниот закон за институтот „памтење на народот“, со кој се забранува обвинување на Полска за злосторства направени во Холокаустот. Законот чија главна цел е Полска да се брани од оние кои и припишуваат нацистички злосторства, предизвика негодувања и во Израел. Со законот е предвидено три години затвор за лице кое „спротивно на фактите“ ја обвинува Полска дека учествувала во злосторствата на нацистичка Германија.