Ермитаж ќе покаже уникатни ткаенини стари 2 илјади години

Како што изјави заменик-генералниот директор на Ермитаж Светлана Адаксина, изложбоите „Ермитажна енциклопедија на текстилот. Историја“ и „Ермитажна колекција на текстил. Реставрација“ ќе бидат отворени за посетителите во сабота, 29 јули.

„Имаме огромна колекција на ткаенини, вклучувајќи и археолошки ткаенини – стари се 2,5 илјади години. Такво нешто, веројатно, нема никаде во светот. Имаме прекрасни антички ткаенини, средновековни, ткаенини од рускиот царски двор. Овој материјал е многу сложен за складирање и краткотраен. Потребни се посебни услови за чување и „златни раце на реставраторите. Многу сме горди што конечно можеме да покажаме многу од експонатите за прв пат“, изјави Адаксина, пренесува „Интерфакс“.  

Еден ден во Ермитаж

Специјално за изложбата во Ермитаж се создадени посебни услови уникатните работи да не бидат погодени од надворешни влијанија.

„Со своите збирки на ткаенини можеме да ја покажеме не само еволуцијата, но и врските на културите: како мигрирале технологиите, како луѓето го изучувале ткаењето во различни делови на светот и како гледале на искуството на нивните колеги во други земји, како го позајмувале. Ткаенините биле многу скапи, до одредено време ткаенината била поскапа од накитот. Ткаенините се приказна за интеракцијата на културите, историјата на трговијата. Ние сакаме да го покажеме тоа, и можеме да го направиме тоа мошне впечативо“, изјави соработник на Ермитаж.