На денешен ден: Труман му кажа на Сталин за постоењето на атомската бомба
DPA/Global Look Press
На затворањето на Потсдамската Конференција на која присуствуваше таканаречената „Голема тројка“, на 24 јули 1945 година американскиот претседател Хари С. Труман му кажа на советскиот премиер Јосиф Сталин дека САД успеале да развијат ново оружје. Труман потоа изјави дека Сталин не бил изненаден. „На 24 јули, низ разговорите кои ги имавме, му споменав на Сталин дека имаме ново оружје со невообичаена моќ на разурнување. Тој не покажа некој особен интерес. Сè што кажа беше дека се радува што го слуша тоа и дека се надева дека ние „добро ќе го искористиме против Јапонците.“ Подоцна таа ноќ Сталин испрати телеграма до луѓето кои работеа на атомската бомба во Русија да побрзаат.