Горбачов за коренот на проблемите во односите меѓу Русија и САД

„Не е наша вина тоа што САД наместо констатацијата за заедничка победа над студената војна решија да прогласат „победа во студената војна“. Во тоа е коренот на грешките и неуспесите кои ги поткопаа темелите на новите односи меѓу нашите земји“, се вели во изјавата на Горбачов.

Горбачов гледа знаци на почеток на нова студена војна

Според неговите зборови, неопходно е „да се направи сѐ што може за надминување на сегашниот опасен ќорсокак“.

„За ова има едно испитано средство – дијалог, заснован на заемно почитување. Тоа не е едноставен пат. Се насобраа многу заемни претензии. Но и пред три децении нашиот дијалог со САД не беше лесен. Тој имаше противници, луѓе кои не му посакуваа добро, кои се обидуваа да нѐ исфрлат од колосек“, истакна поранешниот претседател на СССР.

Тој потенцира дека за нормализација на односите е неопходна политичка волја на раководителите на двете земји, пренесува RT.