Косачов: Ставот на Сенатот на САД за санкциите против Русија е неадекватен

„Сегашната позиција на Сенатот не е адекватна ниту за ситуацијата во светот, ниту, пак, за ситуацијата во билатералните односи со Русија. Се гледа еден маѓепсан круг, кога претходниот чекор, кој не го дал претходно „посакуваниот“ резултат, диктира потреба од следен, пожесток, но не повеќе ефикасен“, истакна Косачов.

Тој смета дека за Претставничкиот дом нема надеж, „но на активностите на Трамп вреди да се погледне - дали тој ќе ја задржи во оваа ситуација способноста да дејствува независно, а не да им се потчинува на инстинктите на самоодржување на власт“.

Лавров за новите санкции на САД: Нема белки да реагирам на секое кивање?

Косачов истакна дека одлуката на Сенатот е тажен факт, бидејќи го потврдува отсуството кај мнозинството американски сенатори на способноста да се запре, се анализираат своите постапки и да се вратат на донесување одлуки соодветни на ситуацијата.

„Исто така, ни обрнува внимание и околноста дека новите антируски санкции се „приколка“, закачена, што се вели во сите парламенти во светот, за друг закон (во наведениов случај – антиирански). Со други зборови, одлуката не се донесува според суштината, туку, што се вели, „по пат“, изјави тој.

„Воопшто, Сенатот се наоѓа во заробеништво на сопствените заблуди и сопствените амбиции, кои сѐ помалку и помалку се поврзани со реалностите на современиот свет. И тоа предизвикува отворено жалење и разочараност“, заклучува Косачов, пренесува РИА „Новости“.

Претходно во четвртокот Сенатот на САД со огромно мнозинство гласови ги одобри амандманите за проширување на антируските санкции.