Commentaire vum Fanny Kinsch: Global Mindeststeier: historeschen Accord mat Limitten
0
D‘Course no ënne soll also en Enn hunn. Op Drock vun den USA notamment sinn d‘G7-Staate sech de Weekend, no bal 10 Joer Verhandlungen, iwwert eng global Mindeststeier vun op d’mannst 15 Prozent fir grouss Betriber eens ginn. Iwwerdeems wäerten d‘Betriber och do musse Steiere bezuelen, wou se Sue verdéngen an net just do, wou se hire Sëtz hunn. D’Lëtzebuerger Politik freet sech iwwert de breet-méiglechste Konsens, dee sech hei annoncéiert, ma d’Limitten zeechne sech schonn of, mengt d’Fanny Kinsch a sengem Commentaire.