Израил менен Ливандын ортосунда чыңалуу күчөдү
Израил менен Ливандагы “Хезболла” куралдуу тобунун ортосундагы эскалациядан улам АКШ Тель-Авивге согушту жайылтуудан оолак болууну эскертти. 24-июнда Израилдин жетекчилиги Газа тилкесиндеги аскерлердин жарымы Ливан менен чек арага жөнөтүлөрүн билдирген. Расмий Бишкек кырдаалдын чыңалышынан улам Израил менен Ливанда жашаган кыргызстандыктарды этият болууга чакырды. Эксперттер “Хезболла” менен Израилдин ортосунда согуш тутанса, кесепети кыйла оор болорун белгилешет.