Чүйдө ок атууга жеткирген жаңжал иликтенүүдө
Ички иштер министрлигинин маалыматына караганда, окуя 9-февралда болгон. Тапанча аткан киши автоунаасына отуруп качып кеткен. Анын машинеси BMW үлгүсүндө экени айтылууда.
Милиция Кылмыш-жаза кодексинин 234 ("Бейбаштык") беренеси боюнча кылмыш ишин козгоп, шектүүнү кармаган. Ал Панфилов районунун 25 жаштагы тургуну экени маалымдалды. Шектүүдөн травматикалык тапанча табылып, экспертиза дайындалган. Колго түшкөн адам убактылуу кармоочу жайга киргизилди.