Орусияда дайынсыз кеткен тажик мигранты Ирактагы абактан табылды
Төрт жыл мурда Орусияга иштегени кетип, ошол бойдон дайыны чыкпай кеткен Ахтам Олимов Ирактагы абактан ата-энесине кабар жөнөткөн.
Буга чейин Ирак телеканалы тажик жараны Ахтам Олимов кармалып, сурак берип жатканы тууралуу кабар тараткан. Ахтам Олимов жоочулардын катарында жүргөнү ошондо билинген.
Тажикстандын атайын кызматы Сирия менен Иракта согушка аралашкан жарандарынын 60 пайызы өлгөнүн билдирүүдө. Нью-Йорктогу "Soufan Group" аналитика борбору бул өлкөлөрдө 2016-жылдын июлуна чейин 1600 тажикстандык жоочулардын катарында согушканын аныктаган.