World News in Kyrgyz

Бишкекте эки баласы менен алтынчы кабаттан кулап каза болгон келиндин окуясы иликтенип жатат. Каргаша 4-апрелдин кечинде болгон. Милиция анын күйөөсүнө өзүн өлтүрүүгө жеткирүү беренеси менен кылмыш ишин козгоп, камакка алды.

Ош шаардык милициясы жеке мектептеги мугалим менен окуучунун апасынын ортосундагы пикир келишпестик боюнча эки кылмыш ишин козгогонун билдирди. 9-мартта Оштогу “Юниум” жеке менчик мектептин мугалими милицияга арыз менен кайрылып, 1-класстын окуучусунун апасы аша кол көтөргөнүн билдирген. Ошол эле күнү экинчи тараптан да арыз түшүп, мугалимдин үстүнөн даттанган. Шаардык милиция окуучунун апасынын күч колдонгону жана мугалимдин окуучуларга ырайымсыз мамиле жасаганы, өз милдеттеринен аша чапкан учурлары болгону аныкталганын билдирди. Читать дальше...

5-апрелдин таңында америкалык күчтөр Иранда атып түшүрүлгөн F-15 тик учагынын экипажынын экинчи мүчөсүн куткарганы маалым болду. АКШнын президенти Дональд Трамп Truth Social тармагына учкучтардын бири жараат алганын, бирок анда баары жакшы болорун жазды. F-15E Strike Eagle истребителин 3-апрелде Ирандын абадан коргонуу күчтөрү атып түшүргөн. Ал согуш башталган беш аптадан бери Ирандын асманында кулатылган америкалык биринчи учак болуп калды. Биринчи учкуч учак кулаганда парашют менен секиргенден бир нече сааттан кийин куткарылган. Читать дальше...

Иран ири мунай өндүрүүчүлөрдүн бири болгон Ирактын кемелерине Ормуз кысыгынан өтүүгө уруксат берилгенин билдирди. "Боордош Ирак үчүн Ормуз кысыгында киргизилген бардык чектөөлөр алынды", – деп жазылган Иран тараптын билдирүүсүндө. Bloomberg белгилегендей, Тегерандын мындай чечими дүйнөлүк базарга күнүнө үч миллион баррелге чейин Ирактын мунайын өткөрүүгө шарт түзөт. Ирактык аткаминер аталган агенттикке жыйынтык кысыкта коркунуч сакталып жаткан шартта кемелер андан өтүүнү каалайбы же жокпу деген суроодон көз каранды экенин айткан. Читать дальше...

Бишкекте эки баласы менен алтынчы кабаттан кулап каза болгон келиндин окуясы иликтенип жатат. Каргаша 4-апрелдин кечинде болгон. Милиция анын күйөөсүнө өзүн өлтүрүүгө жеткирүү беренеси менен кылмыш ишин козгоп, камакка алды.

Кыргызстан быйыл эгемендигинин 35 жылдыгын белгилейт. "Куугунтук курмандыктары" подкастында тарых илимдеринин доктору Аалыбек Акунов менен коммунисттен демократка айланган муун, андан кийинки жылдардагы советтик менталитеттин таасири, эгемендик жылдардан кийинки тарых тууралуу кеп кылабыз.

Мындан 20 жыл мурун Оштогу балдар ооруканасында наристелерине жапырт ВИЧ жуккан энелер өкмөттөн толук кандуу кенемте алалбай келгенин даттанып, кайрадан бийликке кайрылды.

Кытайдын Айыл чарба министрлиги өлкөнүн түндүк-батыш аймагында шарп ылаңы катталганын билдирди. Reuters агенттиги аталган мекеменин маалыматына таянуу менен Гансу жана Шинхаң-Уйгур автоном районунда ылаң чыкканын жазды. Бул аймактар Казакстан жана Орусия менен чектешет. Кытай тараптын билдирүүсүндө, шарп бул аймактардагы 6229 баш ири мүйүздүү бодо мал үйүрүнүн 213үндө аныкталды. Ылаңдаган мал жок кылынып, карантин чаралары киргизилгени кабарланды. Кытай тарап ылаң "чет жактан келгенин" божомолдоп жатат. Читать дальше...

Саламаттык сактоо министрлиги Бишкектин Жал кичи районундагы көп кабаттуу үйдөн кулап түшкөн төрт жашар кыздын абалы өтө оор экенин билдирди. Министр Дамир Осмонов ал жаткан Шаардык тез медициналык жардам клиникалык балдар ооруканасына барып, абалы менен таанышты. Дарыгерлердин айтымында, наристенин баш мээси жабыркаган, астыңкы жаагы сынган, оң колунун ийин сөөгү сынып, ордунан жылып кеткен. Мындан тышкары өпкөнүн жана ички органдары, ооз көңдөйүнүн жабыркаганы айтылды. Азыр жандандыруу бөлүмүндө жана ага жасалма дем алдыруу аппараты коюлган. Читать дальше...

Бишкек мэриясы шаардагы Фучик көчөсүнүн Рыскулов менен кесилишинен баштап “Достук” айылына чейинки бөлүгүнүн эки четин тосууну көздөп жатат. Бул тууралуу мэриянын Капиталдык курулуштар башкармалыгы Сатып алуулар порталына жарыя берди. Тосмолорду орнотуу Шанхай кызматташтык уюмунун саммити жана Дүйнөлүк көчмөндөр оюндарын уюштуруунун алкагында каралган. Бул жол “Манас” аэропортунан келип шаардын борбордук бөлүгүнө кире бериште жайгашкан. Тосмо орнотуунун баасы 391 миллион 620 миң сом деп көрсөтүлүп, 30-августка чейин бүтүрүү талабы коюлган. Читать дальше...