Қазақстандық мамандар шетелдік кадрлармен бірдей жалақы ала алады - Ермек Күзенбаев
АСТАНА. ҚазАқпарат - Бүгінде мұнай-газ саласы бойынша білім алған колледж түлектері үшін бірден жұмысқа тұру оңай емес. Себебі оқу аяқталғанша осы саладағы технологиялар жаңарып, жұмыс беруші компаниялардың талаптары өзгеріп отырады. Ал оларды қайтара оқытудың салдарынан уақыт та, ақша да зая кетеді. Міне, осы мәселеге байланысты елімізде әлемдік деңгейдегі колледждерді құру міндеті қойылды. Негізгі мақсат - білім мен өндірісті алшақтатпай, сапалы кадр даярлау. Сөйтіп, мұнай-газ саласындағы шетелдік мамандарды біртіндеп отандық кадрлармен алмастыру қажет. Осындай білім бері ошақтарының бірі - Атырау қаласындағы «АРЕС PetroТechnic» жоғары техникалық колледжі. Аталған колледж алғашқы түлектерін ұшырып үлгерді. Ал олардың жұмысқа тұру көрсеткіші 85 пайызды құрап отыр. ҚазАқпарат тілшісіне сұхбат берген колледж директоры Ермек Күзенбаев осындай көрсеткішке жетуге не себеп болғаны жайында айтып берді. Оның айтуынша, қазіргі кезде колледж түлектеріне Ресей, Ұлыбритания, Германия сияқты мемлекеттердің танымал компаниялары да қолқа салып жүр.