Қыста қандай аурулардан сақ болу керек
АСТАНА. ҚазАқпарат - Күн суыта бастағаннан-ақ жұқпалы аурулардың пайда болу қаупі де арта түседі. Жылдың бұл мезгілінде, әсіресе, балалардың денсаулығына көбірек көңіл бөлген абзал. Өйткені, өсіп келе жатқан бала ағзасы инфекцияларға аса сезімтал. Ауырып ем іздегенше, ауырмаудың жолын іздеген жөн екенін дәрігердің қай-қайсысы да айтады. Сол себепті сарапшылар да ата-аналар өз балаларын қауіпті аурулардан қорғай алатын вакцинация жасату қажеттігін ұмытпағаны жөн екендігін де ескертіп отырады.