Алматыда екі күн ішінде 3 мыңнан аса жол қозғалысы ережесін бұзу дерегі анықталды

Алматыда жол қозғалысы қауіпсіздігін қамтамасыз ету аясында рейд өтті, - деп хабарлайды Tengri Auto.
Алматы прокуратурасы мәліметінше, тек 2026 жылдың 3 және 4 тамызында қалада 3 341 жол қозғалысы ережесін бұзу дерегі анықталды, оның ішінде 190-ы өрескел заңбұзушылыққа жатады және жол қозғалысына қатысушылардың өмірі мен денсаулығына жоғары қауіп төндіреді.
Рейд барысында полицейлер көлікті мас күйде басқарған 14 жүргізушіні ұстаған. Тағы үш адам жүргізуші куәлігінен айырылғанына қарамастан рөлге отырған.
Сонымен қатар, қауіпті маневр жасау, соның ішінде "шахмат" тәсілімен жүрудің 158 жағдайы, қарсы бағытқа шығудың 13 дерегі, қауіпсіздік белдігін тақпаудың 115 дерегі және көлік тізгінінде отырып ұялы телефон пайдаланудың 89 жағдайы тіркелген.
Сондай-ақ жалған мемлекеттік тіркеу нөмірі тағылған екі автокөлік анықталды.122 автокөлік тәркіленіп, айыппұл тұрағына қойылды.
Еске салайық, жыл басынан бері Алматы жолдарында 3 035 жол-көлік оқиғасы тіркелді.
Аудандар бойынша статистика мынадай:

Ең көп жол апаты Алмалы ауданында болған - 501 жағдай.
Алатау ауданы екінші орында, онда 473 жол-көлік оқиғасы тіркелген.
Бостандық ауданы 456 ЖКО-мен "антирекорд" үштігін аяқтады.