Сарапшылар “Ауыл“ партиясының стратегиясын бағалады

Қасым-Жомарт Тоқаевтың Құрылтайға тамызда өтетін сайлау туралы мәлімдемесі жаңа саяси науқанға іс жүзінде старт берді. Сарапшылардың айтуынша, алдағы айлар партиялар үшін қоғаммен мазмұнды диалог орнату және өз бағдарламаларын нақты іс-әрекеттермен дәлелдеу тұрғысынан маңызды сынақ болмақ.
Facebook әлеуметтік желісінде саясаттанушы Ержан Ерсайынұлы сайлауға дейінгі бес ай уақыт тек ұрандар үшін емес, нақты істерді көрсету үшін жеткілікті мерзім екенін айтып, өз пікірін білдірді.
Ержан Ерсайынұлы
Осы сәтте Қолданбалы этносаяси зерттеулер институтының директоры Луиза Узарова "Ауыл" партиясының ұзақ мерзімді коммуникация орнатудағы үлгісін атап өтті:

"Атауы жылы әрі рухы жақын "Ауыл" партиясы анағұрлым ұйымдасқан және жүйелі қызмет көрсетуде. Өткізілген фестивальдер мен білім беру жобалары тұрақтылыққа бағытталған. Бұл әсіресе ұйымшыл ауыл тұрғындарымен байланыс орнатуда маңызды. Тұрақты негіздегі сенім болашақ науқандағы позицияларды нығайтудың іргетасына айналады".

Луиза Узарова
Саясаттанушы Елдос Жұмағұлов партияның ішкі трансформациясына тоқталды. Оның айтуынша, бұрын бұл ұйымды "потенциалы зор, бірақ аса белсенді емес" деп қабылдаса, қазір жағдай түбегейлі өзгерген. Партия жастармен және ауылдық аумақтармен тікелей байланыс орнатуға бағытталған нақты стратегияны жүзеге асыруда. Бұл "Ауыл" үшін өңірлердің дауысын ұлттық деңгейде нығайтуға берілген зор мүмкіндік.
Елдос Жұмағұлов
Ержан Ерсайынұлының айтуынша, қазіргі саясатта бағдарламадан гөрі халықпен тірі диалог құру сапасы маңызды екеніне басымдық береді.

"Ауыл" қоғамдық және білім беру жобаларын жиілетіп, адами капиталды дамыту мен жастармен жұмысқа басымдық беріп келеді. Егер осы қарқын сақталса, "Ауыл" партиясы алдағы науқанда өз позициясын күшейтеді деген сөз", — деп есептейді сарапшы.

Мәдениеттанушы Фарида Мұсатаеваның пікірінше, партия форматты өзгертіп, тірі фестивальдер мен ивенттерге көшкен. Бұл сайлау алдындағы формалдылық емес, өңірлермен жүргізіліп жатқан жүйелі жұмыстың көрінісі.
Фарида Мұсатаева
Осылайша, сарапшылар қауымдастығы "Ауыл" партиясын бүгінгі таңда ең серпінді ойыншылардың бірі ретінде бағалап отыр. Партияның шынайы диалог пен ауыл жастарына жасаған бәсі тамыз айындағы сайлауда шешуші факторға айналуы мүмкін.