Түркістан облысында кішкентай бала суға батып кеткен
4 сәуірде Түркістан облысы Машат ауылында іздеу-құтқару отрядының қызметкерлері 2024 жылы туған баланың денесін тапты. Алдын ала ақпаратқа қарағанда, бала 31 наурызда өзенге құлап кеткен.
Ақпарат құралдарының жазуынша, балаға небәрі 1 жас 8 ай болған. Жақындарының сөзінше, аулада ойнап жүргенда үйдің жанында ағып жататын өзенге құлап кеткен. Іздеу жұмыстары бірнеше күнге созылған.
Бұған дейін Түркістан облысы Келес ауданында 23 наурызда 8 жастағы баланың суға кеткені хабарланған еді. Құтқарушылар оны әлі таппаған.