Астанада арнайы жасақ фитнес-клуб жаттықтырушысын ұстады - видео
Жаттықтырушы осы аптаның басында ұсталған еді. Алайда полиция оқиғаға қатысты енді пікір берді.
Жаттықтырушы есірткі қылмысына қатысы бар деген күдікке ілінгені белгілі болды.
"Полиция қызметкерлері есірткі заттарын заңсыз өткізді деген күдікпен 34 жастағы ер адамды ұстады. Қазір бұл дерек бойынша соталды тергеу амалдары жүргізіліп жатыр. Өзге ақпарат жария етілмейді", - деп хабарлады полиция департаменті өкілдері.
Еске салайық, наурызда Қазақстан ІІМ шетелдік әріптестерімен бірлесіп, азаматтарды есірткі қылмысына тартудың трансұлттық схемасының жолын кесу бойынша ауқымды арнайы операция жүргізген болатын. Нәтижесінде ондаған күдікті қолға түсті.