Ақсудағы зауытта екі адам күйік алды
Ақсу ферроқорытпа зауытының екі қызметкері термиялық күйікпен ауруханаға жеткізілді, - деп хабарлайды Tengrinews.kz тілшісі.
Зауыттың баспасөз қызметінің мәліметінше, апат 24 мамырда болған.
"Жұмыс жүргізу кезінде екі кран машинисі термиялық күйік алды. Зардап шеккен қызметкерлердің біріАқсу қалалық ауруханасына жеткізілді, екіншісі тексеруден кейін үйіне жіберілді. Оқиға туралы Мемлекеттік органдарға хабарланды, тергеу басталды", - деп түсіндірді Ақсу ферроқорытпа зауытында.
Компания қызметкерлерге қажетті көмек көрсетеді. Зардап шеккен қызметкердің жағдайы, зауытта не болғаны және жұмысшылар неге жарақат алғаны туралы әлі хабарланған жоқ.
View this post on Instagram
A post shared by Аксу (@aksu.ermak)
Ал әлеуметтік желіде өндіріс орнында қара қалың түтін көрінетін фотосурет пайда болды. Зауыт аумағында өрт шыққан болуы мүмкін деп болжанып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!