Қазақстанның бірнеше өңірінде үсік жүреді
Қазақстанның бірнеше өңірінде үсік жүреді, - деп хабарлайды Tengrinews.kz тілшісі.
23 мамырда Түркістан облысының таулы аймағында найзағай болуы мүмкін. Жел шығыстан келеді, найзағай екпіні секундына 15-20 метр болады.
Ақмола облысының солтүстік-батысында найзағай күтіледі. Жел оңтүстік-батыс соғады, екпіні секундына 23 метр болады. Облыстың шығысында 2 градустық үсік жүреді.
Батыс Қазақстан облысының солтүстік-шығысында қатты жаңбыр, солтүстік-батысында, солтүстік-шығысында найзағай, бұршақ және дауыл күтіледі. Оңтүстік-шығыстан солтүстік-батысқа ауысатын жел күндіз батыста, кешке солтүстік-шығыста, екпіні секундына 23 метр болады.
Павлодар облысының солтүстігінде солтүстік-батыстан жел соғады, екпіні секундына 15-20 метр болады. Түнде облыстың шығысында 2 градустық үсік күтіледі.
23 мамырда Нұр-Сұлтанда оңтүстік-батыс, оңтүстік желі секундына 15-20 метр болып соғады.
Қостанай облысының солтүстігінде найзағай, бұршақ, дауыл күтіледі. Түнде облыстың солтүстігінде топырақ бетінде 2 градустық үсік жүреді.
23 мамырда Алматы облысының оңтүстігінде, шығысында және таулы аймақтарында қатты жаңбыр жауады. 23 мамырда түнде оңтүстікте, шығыста және тау бөктеріндегі аудандарда найзағай, бұршақ күтіледі. Солтүстік-батыстан жел соғып, солтүстік-шығысқа ауысады. Екпіні секундына 23-28 метр болады.
22 мамырда Алматыда қатты жаңбыр, найзағай күтіледі. Жел оңтүстік-батыстан соғады, күн күркірегенде желдің екпіні секундына 15-20 метр болады.
Солтүстік Қазақстан облысының оңтүстігінде, батысында, солтүстік-шығысында найзағай, дауыл және бұршақ күтіледі. Оңтүстік-батыстан жел соғады, түнде облыстың шығысында екпіні секундына 15-20 метр жел болады.
Қарағанды облысының батысы мен солтүстігінде оңтүстік-батыстан жел соғады, екпіні секундына 15-20 метр болады. Түнде облыстың шығысында 2 градустық үсік күтіледі.
23-24 мамырда Жамбыл облысының таулы аудандарында найзағай, бұршақ және дауыл күтіледі. Солтүстік-шығыстан жел соғады. 23 мамырда екпіні секундына 23 метр болатын жел соғады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!