Астана үлескерлерінің басы тағы дауға қалды
НҰР-СҰЛТАН. ҚазАқпарат – Ел астанасынан баспаналы боламын деп, жинаған қаражатын жаңадан құрылысы басталған көп пәтерлі тұрғын үйге құйған үлескерлер тарапынан тағы шу шықты. Бірақ, бұл жолғы даудың жөні бөлек. Әдетте, үлескерлер бүкіл қаржысын құрылысқа құйып, кейіннен кілтін ала алмай жүрсе, бұл жолы осыдан екі жыл бұрын кіріп алған пәтерлерінің шаршы метрі дұрыс есептелмеуіне байланысты «Әсем тас-2» мен «Кең дала» кешендерінің тұрғындары құрылыс компанияларымен ортақ мәмілеге келе алмай жүр.