Кабулда терактіден 50-ден астам адам қаза тапты
Кабулда қарашаның 20-сы күні кешке әуежай маңында жарылыс болып, 50-ден астам адам қаза тапты. Ауғанстанның дін ғалымдары жиналған банкет залында жанкешті өзін жарып жіберді. Ауғанстан Ішкі істер министрлігінің өкілі жарылыстан 80-нен астам адам жараланғанын хабарлады.
Банкет залы Кабул әуежайы маңындағы қонақүй кешендерінің бірінде орналасқан.
Қонақүй кешеніне исламды зерттеп, діни ағартушылықты насихаттайтын жүздеген адам студенттермен бірге мәдениет фестивалі аясында дәстүрлі Құран оқу шарасына жиналған.