Қуат Домбай: Нарықта қазақ тілді кітаптарға сұраныс артатын болады
АЛМАТЫ. ҚазАқпарат - Алдағы екі-үш жылда қазақ тілді кітаптар коммерциялық жоба ретінде сұранысқа ие бола бастайды. Жақында ғана аяқталған «Алтын қалам-2017» байқауына орай ҚазАқпарат тілшісімен сұхбатында белгілі РR маманы Қуат Домбай осындай пікір білдірді. Айта кетерлігі, Қуат Домбай бұған дейін бұқаралық ақпарат құралдарында қазақ тілді ПИАР сапасы жағынан орыс тілді ПИАР-дан жоғары деңгейге көтерілді деген пікір айтқан еді. Бүгінгі сұхбатында маман жаңа заман әдебиетінің мазмұндық жағымен қатар, қоғам сұранысына лайық болу мәселесін де көтерді.