რუსეთმა უკრაინას 113 დრონით შეუტია
უკრაინის მხარის თანახმად, მათგან 57 ჩამოაგდეს, 56 - დაიკარგა.
საზენიტო მართვადი - С-400 -ის ტიპის რაკეტა დონეცკიდან გაუშვეს და პოლტავის რეგიონის მიმართულებით გატყორცნეს.
დრონებით იერიშის დროს, რომლებიც უკრაინის ბევრ რაიონზე განხორციელდა, ზაპოროჟიეს და ხარკოვის ოლქში ჩამოგდებული დრონის ნამსხვრევები დაეცა საცხოვრებელ სახლს და ადამიანები დააშავა.
წინა დღეს ზაპოროჟიეში, დრონით დაარტყეს ცხრასართულიან საცხოვრებელ შენობას. თავდასხმის შედეგად დაშავდა ოთხი მცხოვრები, მათ შორის 12 წლის ბავშვი. ამის შესახებ რეგიონული სამხედრო ადმინისტრაციის ხელმძღვანელმა ივან ფედოროვმა ტელეგრამის არხზე განაცხადა.