„ვაგნერი“ იარაღის შესყიდვას აპირებდა თურქეთისგან - პენტაგონის დოკუმენტების გაჟონვა
ამერიკელმა ჟურნალისტებმა შეიტყვეს პენტაგონის და აშშ-ის ცენტრალური სადაზვერვო სამმართველოს საიდუმლო დოკუმენტების გაჟონვის დეტალები, რომელიც ეხება უკრაინის და რუსეთის თავდაცვისუნარიანობას. ამ დოკუმენტებიდან ჩანს ასევე აშშ-ის სპეცსამსახურების მხრიდან ამ ქვეყნების თვალთვალის ხარისხი.
აშშ-ის ორი გაზეთი: The New York Times-ი და Washington Post-ი აანალიზებენ საიდუმლო ინფორმაციის გაჟონვის დეტალებს. დოკუმენტებიდან სხვათა შორის, ჩანს, თებერვლის დასაწყისში, კერძო სამხედრო გაერთიანების“, ვაგნერის“ წარმომადგენელმა თურქეთთან გამართა მოლაპარაკება უკრაინასა და მალიში საბრძოლო მოქმედების წარმოებისთვის იარაღის შესყიდვის შესახებ. არ არის ცნობილი, მხარეები შეთანხმდნენ თუ არა. მიუხედავად ამისა, თუ თურქეთი, ნატოს წევრი ქვეყანა, ალიანსის ზურგს უკან მოლაპარაკებას აწარმოებს რუსეთის შეიარაღებულ ფორმირებასთან, ეს შეიძლება იყოს დიდი დარტყმა მის რეპუტაციაზე, წერს Washington Post-ი.
დოკუმენტებში განხილულია ჩინეთის პოზიცია უკრაინაში ომის მიმართ. ცენტრალური სადაზვერვო სამმართველოს ანგარიშის ავტორები ამტკიცებენ, რომ პეკინს შეუძლია გათვლა გააკეთოს რუსეთის ტერიტორიაზე უკრაინული დივერსიებზე, რათა ნატო აგრესორად წარმოჩნდეს და გააძლიეროს რუსეთისთვის მხარდაჭერა. აშშ-ს და ევროკავშირს ჯერ არ გააჩნიათ იმის მტკიცებულება, რომ ჩინეთი საბრძოლო იარაღს აწვდის რუსეთს, მაგრამ, თუ უკრაინა ნატოს იარაღის მეშვეობით დივერსიებს მოაწყობს რუსეთის სიღრმეში, ჩინეთს შეეძლება დაიწყოს ასეთი იარაღის მიწოდება რუსეთისთვის, წერია, გაზეთის თანახმად, ანგარიშში.
საჯაროდ მისაწვდომი გახდა ასევე დოკუმენტები, რომლებიც ირანის ბირთვულ პროგრამას და ჩრდილოეთი კორეის მიერ სარაკეტო გამოცდებს ეხება. გაჟონვის წყარო ჯერ განსაზღვრული არ არის.
გავრცელებული დოკუმენტები განკუთვნილია აშშ-ის უმაღლესი ოფიციალური პირებისთვის, მათ შორის შეიარაღებული ძალების სარდლის, მარკ მალისთვის. საიდუმლო დოკუმენტები, გარდა კონკრეტული ცნობებისა, ასახავს აშშ-ის სპეცსამსახურების გათვითცნობიერებულობას სხვა ქვეყნების გეგმებადა ქმედებაში.
The New York Times-ი აღნიშნავს, რომ აშშ-ს უფრო მკაფიო წარმოდგენა აქვს რუსეთის სამხედრო ოპერაციებზე, ვიდრე უკრაინის გეგმებზე. ამერიკელი ჟურნალისტები აღნიშნავენ, რომ ამგვარი გაჟონვებმა უკვე გაართულა აშშ-ის ურთიერთობები მოკავშირეებთან და „ეჭვქვეშ დააყენა ამერიკელთა შესაძლებლობა, შეინახონ თავიანთი საიდუმლო“.
ამ გაჟონვამ შეიძლება ზიანი მიაყენოს უკრაინის სამხედრო მცდელობებს, თუ დაეხმარა მოსკოვს გადაკეტოს ინფორმაციის წყაროები.
Washington Post-ს ორმა წყარომ აცნობა, რომ 7 აპრილს თავდაცვის სამინისტრომ ვაშინგტონში შეზღუდვა წვდომა სადაზვერვო მასალებზე, რაც ერთ-ერთმა მათგანმა შეაფასა, როგორც მკაცრი ზომა და ივარაუდა, რომ „პენტაგონის ხელმძღვანელობაში პანიკაა“.
აშშ-ის იუსტიციის სამინისტრომ გამოძიება დაიწყო ფაქტის გარშემო.
ბოლო დღეებში აშშ-ის სპეცსამსახურების საიდუმლო დოკუმენტების რამდენიმე მსხვილი გაჟონვა მოხდა. ბევრი დოკუმენტი რუსეთის ომს ეხებოდა უკრაინაში. ,კომერსანტის“ თანახმად, კრემლის შეფასებით, ეჭვი არაა, რომ აშშ და ნატოს პირდაპირ თუ ირიბად არიან ჩართული კონფლიქტში. უკრაინის პრეზიდენტის ოფისის მრჩეველმა, მიხაილ პოდოლიაკმა გაჟონვას ყალბი უწოდა, და მისი აზრით, ის მოსკოვის მიერ არის ინსპირირებული, ხოლო თავის რეალურ გეგმებს უკრაინა ბრძოლის ველზე აჩვენებს.