მირიან კიკნაძის პერსონალურ გამოფენას – “თბილისი და არა მარტო” გალერეა “ვანდა” უმასპინძლებს

ექსპოზიციაში წარმოდგენილი იქნება ავტორის მიერ ბოლო 3 წელში შექმნილი 50-მდე გრაფიკული ნამუშევარი.

“თბილისი –
თითქოს ერთი დიდი,
წლების და წლების მანძილზე დატბორილი,
შეჩვევის, სიხარულის, ტკივილის,
მონატრების ცრიატი ბურუსი,
გარს რომ გეხვევა და ბანგივით განანავებს,
რომელიც გინდა რომ მეხსიერებაში აღიბეჭდო და გახსოვდეს,
ხელი ჩაავლო და აღარ გაუშვა…

თბილისი –
როგორც უდაბნოს ცხელი ქვიშა,
თითებსშუა ნება-ნება რომ იმარცვლება და ქრება…

ჩვენ კი ქვიშის ის მარცვლები ვართ,
ხელისგულს რომ ეკვრიან და მისი სითბო აღარ ეთმობათ…

მე? –
საერთოდ არავინ, უბრალოდ ჩემთვის ვერთობი:

ხან მიყვარს ლექსი,
ხან ვერდი,
ხან მწვანე მოლის ხავერდი…”

მირიანი
21.03.2023

გახსნა: სამშაბათი, 28 მარტი, 18:00 სთ.
მისამართი: ჭონქაძის ქუჩა #14, თბილისი