ჯანმო: ხარვეზებმა კორონავირუსზე ვაქცინაციის პროცესში შეიძლება ახალი, სასიკვდილო ვარიანტის შესაქმნელად წინაპირობები გააჩინოს
ჯანდაცვის მსოფლიო ორგანიზაციის ხელმძღვანელი, ტედროს ადანომ ღებრეისუსი აცხადებს, რომ მსოფლიოში ჯერ კიდევ არსებობს საფრთხე კორონავირუსის ახალი, საშიში ვარიანტის გასაჩენად.
„ჩვენ ახლა უფრო ახლოს ვართ პანდემიის კრიტიკული ეტაპის დასასრულთან, მაგრამ ჯერ აქამდე არ მივსულვართ. ტესტირებისა და ვაქცინაციის პროცესში ხარვეზები ქმნის წინაპირობებს ახალი ვარიანტის შექმნისთვის, რომელმაც შეიძლება მნიშვნელოვანი სიკვდილიანობა გამოიწვიოს”, - აღნიშნავს ჯანმოს ხელმძღვანელი.
ჯანდაცვის მსოფლიო ორგანიზაციის შეფასებით, მსოფლიოს მოსახლეობის დაახლოებით 90%-ს კორონავირუსის მიმართ უკვე აქვს გარკვეული იმუნიტეტი ვაქცინაციის, ან ვირუსის გადატანის გამო.