ირანის რევოლუციური გვარდიის მაღალი რანგის წევრი საკუთარ სახლთან მოკლეს

ირანის გავლენიანი „ისლამური რევოლუციის გუშაგთა კორპუსის“ მაღალი რანგის წევრი, თეირანში, თავის სახლთან მოკლეს, იტყობინება ირანის მედია, „კორპუსის“ მონაცემებზე დაყრდნობით.


საიად ხოდაი „მოკლეს ორი მოტოციკლეტისტის თავდასხმის დროს, მოჰაჰედინ-ე ისლამის ქუჩაზე, თეირანში", იტყობინება სააგენტო IRNA 22 მაისს.


სააგენტო მას უწოდებს „სიწმინდის დამცველს“, რასაც „კორპუსი“ იყენებს იმის აღსანიშნავად, რომ იბრძოლა სირიაში, ან ერაყში „კორპუსის“ ელიტური „ყუდსის“ ძალების შემადგენლობაში.


ირანი მხარს უჭერს ორივე ქვეყანაში შიიტურ ძალებს.


პასუხისმგებლობა თავდასხმისთვის არავის უკისრია.


თავის საიტზე „გუშაგთა კორპუსი“ ხოდაის უწოდებს პოლკოვნიკს და მკვლელობას განსჯის, როგორც „ტერორისტულ აქტს,“ რომელშიც ბრალს სდებს „ელემენტებს, რომლებიც დაკავშირებული არიან გლობალურ ქედმაღლობასთან“, რაც მინიშნებაა აშშ-სა და მის მოკავშირეებზე.