ელიზაბეთ რუდი: იმედი გვაქვს, ანაკლიის პორტი აშენდება
ანაკლიის საკითხს საქართველოში ამერიკის შეერთებული შტატების ელჩის მოვალეობის შემსრულებელი, ელიზაბეთ რუდი გამოეხმაურა, რომელიც 26 ოქტომბერს „მესაქონლეობის ექსპოს“ გახსნის ცერემონიალს დაესწრო. რუდის განცხადებით, შეერთებული შტატები მიიჩნევს, რომ ანაკლიის პორტი ძალიან მნიშვნელოვანი პროექტია საქართველოსთვის.
„ამერიკის შეერთებული შტატები კვლავ განიხილავს ანაკლიის პორტს, როგორც საქართველოსთვის ძალიან მნიშვნელოვან პროექტს. ჩვენ დიდი იმედი გვაქვს, რომ ეს პროექტი განხორციელდება, განსაკუთრებით, ამერიკული ინვესტიციით“, - განაცხადა რუდმა.