ქართველმა ფეხბურთელებმა „უეფას განვითარების თასზე“ ზედიზედ მეორე თამაში მოიგეს
საქართველოს 15-წლამდელთა საფეხბურთო ნაკრებს კაუნასში მიმდინარე ტრადიციულ საერთაშორისო ტურნირზე - „უეფას განვითარების თასზე“ - ჩემპიონის ტიტულს ერთი ქულა აშორებს. ზურაბ ხიზანიშვილის გაწვრთნილმა გუნდმა უკვე ორი თამაში ჩაატარა და ორივე ადვილად მოიგო.
ქართველმა ფეხბურთელებმა ტურნირი 18 აგვისტოს გახსნეს, მოლდოვის ნაკრებთან შეხვედრით და მეტოქე 4:0 დაამარცხეს. დღეს კი ბოსნიელ თანატოლებს აჯობეს - 3:0.
დასკვნით, მესამე ტურში, საქართველოს 15-წლამდელთა ნაკრები ტურნირის მასპინძელ ლიეტუვას დაუპირისპირდება და ფრეც ეყოფა „უეფას განვითარების თასის“ მოსაპოვებლად.