Էմանուել Մակրոն․ Ֆրանսիան «չի հավանում» Մադուրոյին հեռացնելու կիրառված մեթոդը
Ֆրանսիայի նախագահ Էմանուել Մակրոնը հայտարարել է, որ Ֆրանսիան չի հավանում Վենեսուելայի նախագահ Նիկոլաս Մադուրոյին իշխանությունից հեռացնելու համար կիրառված «մեթոդը»։ Մակրոնի խոսքով՝ ուժային միջամտությամբ իրականացված նման քայլերը հարցեր են առաջացնում միջազգային իրավունքի և իրավական գործընթացների պահպանման տեսանկյունից։
Նա ընդգծել է, որ Վենեսուելայի ճգնաժամի լուծման ճիշտ ուղին պետք է լինի խաղաղ, քաղաքական և ժողովրդավարական գործընթացով, իսկ ցանկացած որոշում պետք է կայացվի միջազգային գործընկերների մասնակցությամբ։ Այս մասին գրում է ֆրանսիական Le Figaro-ն։
Մակրոնի հայտարարությունը հնչել է Ֆրանսիայի կառավարական խորհրդի նիստում՝ Վենեսուելայում տեղի ունեցած վերջին իրադարձությունների ֆոնին։ Օրեր առաջ ԱՄՆ-ի նախաձեռնած ռազմական հատուկ գործողության արդյունքում Նիկոլաս Մադուրոն հեռացվել է իշխանությունից և տեղափոխվել Միացյալ Նահանգներ․ նա պետք է ներկայանա Նյու Յորքի դաշնային դատարան՝ ներկայացված քրեական մեղադրանքների շրջանակում։
The post Էմանուել Մակրոն․ Ֆրանսիան «չի հավանում» Մադուրոյին հեռացնելու կիրառված մեթոդը first appeared on MediaLab Newsroom-Laboratory.