Անարդար է, որ բանակցություններ են բացվել Ուկրաինայի և Մոլդովայի՝ ԵՄ-ին անդամակցելու շուրջ, բայց ոչ Վրաստանի․ Վրաստանի վարչապետ
Վրաստանի վարչապետ Իրակլի Կոբախիձեն անարդար է համարում այն, որ Ուկրաինան և Մոլդովան անցել են Եվրոպական միությանն անդամակցելու շուրջ բանակցությունների մեկնարկի փուլ, իսկ Վրաստանը՝ դեռ ոչ:
Այս մասին հայտնում է ՏԱՍՍ-ը՝ վկայակոչելով վարչապետ Կոբախիձեի արած հայտարարությունը Գերմանիա կատարած պաշտոնական այցի ամփոփման ժամանակ:
«Դուք գիտեք, որ այսօր մենք ունենք անարդարություն: Մասնավորապես, բանակցություններ են բացվել Ուկրաինայի և Մոլդովայի հետ ԵՄ-ին անդամակցելու շուրջ, բայց ոչ Վրաստանի հետ, այն ժամանակ, երբ մենք լրջորեն առաջ ենք անցնում երկու երկրներից։
Այս անարդարությունը պետք է ավարտվի, և մենք հուսով ենք, որ դեկտեմբերին այն արդյունավետորեն կվերացվի», - նշել է Կոբախիձեն:
Անարդար է, որ բանակցություններ են բացվել Ուկրաինայի և Մոլդովայի՝ ԵՄ-ին անդամակցելու շուրջ, բայց ոչ Վրաստանի