Դեռ վաղ է խոսել Գազայում գործողությունների ավարտի մասին․ Նեթանյահու
Իսրայելի վարչապետ Բենիամին Նեթանյահուն ասել է, որ դեռ վաղ է խոսել Գազայի հատվածում ՀԱՄԱՍ-ի հետ հրադադարի մասին համաձայնագրի հեռանկարների մասին, քանի որ Իսրայելը չի ստացել պատանդների ցուցակը, որոնք կարող են ազատ արձակվել:
«Ես պահանջում եմ նախապես իմանալ բոլոր առևանգվածների անունները, որոնք ազատ կարձակվեն ծրագրի շրջանակներում ։ Այս հարցի պատասխանը ես դեռ չեմ ստացել։ Դեռ վաղ է ասել, թե արդյոք մենք կհամաձայնեցնենք հրադադար առաջիկա օրերին»,-հայտարարել Է Նեթանյահուն մամուլի ասուլիսի ժամանակ։
Փոխանցում է ՌԻԱ Նովոստին։
«Գործարքով կամ առանց գործարքի մենք շարունակելու ենք պայքարել մինչև լիակատար հաղթանակ»,- ընդգծել է նա։