Իրավիճակը Կալիֆորնիայում անկանխատեսելի է. նահանգում մոլեգնող հրդեհների պատճառով շուրջ 30 000 մարդ է տարհանվել
Կալիֆորնիայի Էլ Դորադո շրջանում մոլեգնող հրդեհները հանգեցրել են մոտ 30 000 մարդու տարհանման: Այս մասին հայտնում է ՏԱՍՍ գործակալությունը՝ վկայակոչելով նահանգապետի գրասենյակի հաղորդագրությունը:
Դեռևս օգոստոսի կեսերին քիչ բնակեցված լեռնային շրջաններում բռնկված հրդեհի մակերեսը գերազանցել է 700 քառ. կմ-ը: Կրակը սկսել է մոտենալ բնակավայրերին: Նահանգի իշխանությունները ստիպված են եղել տարհանում հայտարարել Էլ Դորադո շրջանում:
Հրդեհը սպառնալիք է ներկայացնում նաև Տախո լճի մոտական առողջարանային գոտու համար, որը հայտնի հանգտավայր է զբոսաշրջիկների շրջանում: Տարհանում է տեղի ունենում նաևայդ շրջանում: Արտակարգ ծառայությունների գնահատականով՝ կրակը կարող է մինչև 20 000 շինություն ոչնչացնել:
Հրդեհներով պայմանավորված իրավիճակը Կալիֆորնիայում շարունակում է անկանխատեսելի լինել: Իշխանությունները բնակիչներին արգելել են մինչև սեպտեմբերի 17-ն այցելել լեռնային հատվածներ: