«Եթե անհրաժեշտություն լինի, Աղավնոյի բնակիչներս, ամբողջ գյուղով ենք բանակ դառնում»
«Եթե անհրաժեշտություն լինի, մենք՝ Աղավնոյի բնակիչներս, ամբողջ գյուղով ենք բանակ դառնում, մենք թուրքին ոչինչ չունենք տալու: Մենք արարող մարդիկ ենք, չենք կարող նստել ու սպասել, թե երբ է լավ լինելու: Հակառակ Ալիևի հայտարարություններին, մենք ապրում ենք մեր հողում: Թուրքին որ մնա, կասի՝ Երևանը մերն է, Սյունիքը մերն է, ամեն ինչ մերն է… շատ մեծ ախորժակ …
The post «Եթե անհրաժեշտություն լինի, Աղավնոյի բնակիչներս, ամբողջ գյուղով ենք բանակ դառնում» appeared first on ԳԱԼԱ.
«Եթե անհրաժեշտություն լինի, մենք՝ Աղավնոյի բնակիչներս, ամբողջ գյուղով ենք բանակ դառնում, մենք թուրքին ոչինչ չունենք տալու: Մենք արարող մարդիկ ենք, չենք կարող նստել ու սպասել, թե երբ է լավ լինելու: Հակառակ Ալիևի հայտարարություններին, մենք ապրում ենք մեր հողում: Թուրքին որ մնա, կասի՝ Երևանը մերն է, Սյունիքը մերն է, ամեն ինչ մերն է… շատ մեծ ախորժակ ունեն»,- ԳԱԼԱ-ի հետ զրույցում հայտարարեց Քաշաթաղի շրջանի Աղավնո համայնքի ղեկավար Անդրանիկ Չավուշյանը:
Համայնքապետի խոսքով՝ այս պահին Աղավնոյում վերաբնակեցման ծրագիր է իրականացվում:
«Գյուղը լքած ընտանիքներին նախազգուշացրել ենք, որ կամ պետք է վերադառնան իրենց տները, կամ նրանց տները կհանձնվեն այն ընտանիքներին, ովքեր հերթագրվել են ու ցանկություն ունեն բնակվելու Աղավնոյում: Ովքեր գնացել են գյուղից, Աստված իրենց հետ, հո զոռով չենք պահելու կամ ստիպենք, որ հետ վերադառնան:
Չավուշյանի փոխանցմամբ՝ գյուղում կա 20 տուն, որոնց բնակիչները պատերազմի ժամանակ լքել են իրենց տները ու չեն վերադառնում։
«Թողել գնացել են տները, իսկ մենք պահել ենք իրենց տունը. կարող էր, չէ՞, լինել այնպես, որ մարդը գար ու տեսներ, որ իր տան մեջ թուրքն է մտել: Մարդկանց տրվել է հնարավորություն, և նրանք պիտի որոշեն՝ կամ վերադառնան իրենց տները, կամ իրենց տները կտրվի նրանց, ովքեր ուզում են ապրել Աղավնոյում: Փաստացի նրանք 10 ամիս է իրենց տներում չեն ապրում: Պատերազմից հետո օրեր են եղել, երբ գյուղում համարյա թե մարդ չկար: Դեկտեմբերի 1-ին, որ պետք է հողերը հանձնեին, մարդկանց մեջ խուճապ էին տարածել, որ Աղավնոն էլ մնացել է Ադրբեջանի վերահսկողության տակ, արդեն ստորագրված է և հանձնվելու է:
Գյուղի բնակչության 90%-ից ավելին հեռացել էին գյուղից, մարդիկ հետ եկան: Մենք մտածում ենք, որ պիտի մնաս, որ հողդ էլ կայուն մնա, մենք պիտի պաշտպանենք մեր տունն ու հայրենիքը, մեզնից լավ դա ոչ ոք չի կարող անել:
Այս պահի դրությամբ գյուղում 157 մարդ է ապրում, պետությունն էլ ինչքան կարողանում է, ձեռք է մեկնում, բայց դա պիտի երկարատև չլինի»,- հայտարարեց Աղավնոյի համայնքապետը:
Անդրանիկ Չավուշյանն ասում է, որ գյուղում այս պահին կրակոցներ չկան, բայց եթե թշնամին սխալվի ու մտնի գյուղի տարածք, շատ հստակ ասել են՝ ինչ կարող է լինել:
Վերջինիս խոսքով՝ գյուղից պատերազմի փոշին կամաց-կամաց վերանում է, մարդիկ վերադառնում են իրենց առօրյային, բայց գյուղում խնդիրները շատ են ու մեկը մյուսից կարևոր: Ասում է՝ կատարվածի հետ դժվար է համակերպվելը, բայց պետք է համախմբվել:
Անահիտ Չալիկյան
The post «Եթե անհրաժեշտություն լինի, Աղավնոյի բնակիչներս, ամբողջ գյուղով ենք բանակ դառնում» appeared first on ԳԱԼԱ.