«Եթե, այնուամենայնիվ, միջազգային հանրությունը տրամադրված է ճանաչել «Թալիբան»-ի իշխանությունն Աֆղանստանում, ապա Հայաստանն ինչո՞ւ պիտի այդտեղ բացառություն լինի»
«Տպավորությունն այնպիսին է, որ Արևմուտքն Աֆղանստանի ճակատագիրը թողնում է աֆղանցիներին: Աֆղանստանը, անցնելով թալիբների տիրապետության տակ, ամբողջ տարածաշրջանը տեղափոխում է անկանխատեսելիության և անկայունության շրջան, որի ելքերը գոնե այս պահին չեն նշմարվում»,- ԳԱԼԱ-ի հետ զրույցում հայտարարեց քաղաքագետ Ռուբեն Մեհրաբյանը՝ անդրադառնալով Աֆղանստանում տեղի ունեցող իրադարձություններին: Ըստ Մեհրաբյանի՝ թալիբների իշխանությունն ինչ-ինչ վերապահումներով, բայց, այնուամենայնիվ, կճանաչվի միջազգային հանրության կողմից: «Ռուսաստանը …
The post «Եթե, այնուամենայնիվ, միջազգային հանրությունը տրամադրված է ճանաչել «Թալիբան»-ի իշխանությունն Աֆղանստանում, ապա Հայաստանն ինչո՞ւ պիտի այդտեղ բացառություն լինի» appeared first on ԳԱԼԱ.
«Տպավորությունն այնպիսին է, որ Արևմուտքն Աֆղանստանի ճակատագիրը թողնում է աֆղանցիներին: Աֆղանստանը, անցնելով թալիբների տիրապետության տակ, ամբողջ տարածաշրջանը տեղափոխում է անկանխատեսելիության և անկայունության շրջան, որի ելքերը գոնե այս պահին չեն նշմարվում»,- ԳԱԼԱ-ի հետ զրույցում հայտարարեց քաղաքագետ Ռուբեն Մեհրաբյանը՝ անդրադառնալով Աֆղանստանում տեղի ունեցող իրադարձություններին:
Ըստ Մեհրաբյանի՝ թալիբների իշխանությունն ինչ-ինչ վերապահումներով, բայց, այնուամենայնիվ, կճանաչվի միջազգային հանրության կողմից:
«Ռուսաստանը ձգտում է Աֆղանստանի հետ ավանդական, բարիդրացիական հարաբերությունների ռեժիմը պահպանել՝ անկախ այն հանգամանքից, թե ով է այնտեղի իշխանությունը:
Մեծ անորոշություն է Կենտրոնական Ասիայի երկրներում, և մարդկանց համար շատ բաներ ոչ միայն շարունակում են անկանխատեսելի մնալ, այլ նաև գնալով խորանում է այդ ամենը»,- հայտարարեց քաղաքագետը:
Որոշ երկրներ արդեն իսկ հայտարարել են թալիբների իշխանությունը ճանաչելու մտադրության, նրանց հետ հարաբերություններ հաստատելու հեռանկարների մասին: Մեր դեպքում, ի՞նչ եք կարծում, կարիք կա՞ այդ ուղղությամբ քայլեր ձեռնարկելու:
Անդրադառնալով հարցադրմանը՝ Ռուբեն Մեհրաբյանը հայտարարեց.
«Ես չեմ կարծում, որ Հայաստանը չպետք է անի այն, ինչ անում է միջազգային հանրությունը կամ ինչ թելադրում է միջազգային հանրությունը:
Եթե, այնուամենայնիվ, միջազգային հանրությունը տրամադրված է ճանաչել «Թալիբան»-ի իշխանությունը Աֆղանստանում, ապա Հայաստանը ինչո՞ւ պիտի այդտեղ բացառություն լինի»:
Քաղաքագետի խոսքով՝ իրադարձությունները տարածաշրջանում արագ են զարգանում, հետևաբար կանխատեսումներ անելը դժվար է:
«Եթե իրավիճակն այդ տարածաշրջանում գնա դեպի ապակայունացում, ապա դա Ռուսաստանից մեծ ռեսուրս կպահանջի, որպեսզի ստեղծված իրավիճակը պահի կանխատեսելիության հունի մեջ:
Այստեղ կարող է երկու սցենար քննարկվել՝ երբ Ռուսաստանը իրավիճակը սառեցնի և զբաղվի Կենտրոնական Ասիայով: Մյուս տարբերակն էլ այն է, որ Ռուսաստանը հապշտապ որոշումներ պարտադրի, որպեսզի տարածաշրջանում քիչ թե շատ կանխատեսելի իրավիճակ հաստատվի, և կրկին զբաղվի Կենտրոնական Ասիայում կանխատեսելիության ապահովմամբ: Հիմա ինչ կլինի, որ սցենարը իրականություն կդառնա՝ դժվար է ասելը, այն կախված է իրավիճակի հետագա զարգացումներից»,- ընդգծեց Մեհրաբյանը:
Ռուբեն Մեհրաբյանի կարծիքով՝ բարդ է ասել՝ թալիբներին կհաջողվի՞ երկար ժամանակ մնալ իշխանության, թե՞ ոչ, որովհետև դրան նպաստող գործոններ կան:
«Դա կախված է նրանից, թե այդ երկրում ապստամբություն կլինի՞, թե՞ ոչ, այդ իշխանությունը կընդունվի՞ տեղական հեղինակությունների կողմից, թե՞ ոչ»,- եզրափակեց քաղաքագետ Ռուբեն Մեհրաբյանը:
Անահիտ Չալիկյան
The post «Եթե, այնուամենայնիվ, միջազգային հանրությունը տրամադրված է ճանաչել «Թալիբան»-ի իշխանությունն Աֆղանստանում, ապա Հայաստանն ինչո՞ւ պիտի այդտեղ բացառություն լինի» appeared first on ԳԱԼԱ.