ՌԴ-ում կորոնավիրուսով վարակվածների թիվը 1 օրում ավելացել է 5236-ով, գրանցվել է մահվան 57 նոր դեպք
Ռուսաստանում կորոնավիրուսով վարակվածների թիվը վերջին մեկ օրում ավելացել է 5236-ով, մահացածներինը՝ 57-ով․ երկրում համավարակի սկզբից ընդհանուր գրանցվել է վարակման 57 999 դեպք, որից 513-ը՝ մահվան ելքով, հայտնում է «ՌԻԱ Նովոստի» գործակալությունը՝ հղում տալով կորոնավիրուսային վարակի տարածման դեմ պայքարի գծով օպերատիվ շտաբի տարածած հայտարարությանը։
Վերջին մեկ օրում վարակման 5236 դեպքը գրանցվել է Ռուսաստանի 78 շրջանում, որից 2548-ը՝ Մոսկվայում, 63-ը՝ Մոսկվայի մարզում, 294-ը՝ Սանկտ Պետերբուգում։ Նշվում է, որ նոր գրանցված դեպքերից 2275-ը հիվանդության որևէ ախտանշան չունի։
ՌԴ-ում հիվանդությունից արդեն ապաքինվել է 4420 մարդ։
Աշխարհում կորոնավիրուսի վարակակիրների թիվը հասել է 2 565 299-ի, մահացել է 177 775 մարդ, ապաքինվել 696 781-ը։