ԱՄՆ-ում տղամարդն ինքնաթիռի միակ ուղևորն է դարձել և զվարճացել բորտուղեկցորդուհիների հետ (տեսանյութ)
ԱՄՆ-ում տղամարդը դարձել է Լոս Անջելես-Օքլենդ ուղղությամբ չվերթի միակ ուղևորը և բորտուղեկցորդուհիների հետ միասին հայտնի TikTok կայքի համար տեսանյութ պատրաստել, հայտնում է Daily Mail պարբերականը։
Սեթ Թոմաս անունով ուղևորի խոսքով՝ հենց թռիչքի օրն է Southwest ավիաընկերության ինքնաթիռի տոմսը գնել և օդանավի սրահ բարձրանալուն պես հասկացել է, որ մենակ է թռչելու։ Այդ ժամանակ էլ որոշել է օգտագործել հնարավորությունը և բորտուղեկցորդուհիներին խնդրել է իր հետ միասին մասնակցել #ComeAroundMe չելենջին։
Համացանցում մեծ տարածում գտած տեսանյութում բորտուղեկցորդուհիները համաչափ շարժվում են ամերիկացի հայտնի երգիչ Ջասթին Բիբերի Come Around Me երգի հնչյունների ներքո։
Տղամարդն ընդգծել է նաև, որ ինքնաթիռի անձնակազմի անդամներն իր նկատմամբ շատ սիրալիր վերաբերմունք են ցուցաբերել։
«Նրանք այդ ուղևորությունն ինձ համար անմոռանալի դարձրին»,- կիսվել է տպավորություններով Թոմասը։
Flightstats ծառայության տեղեկությունների համաձայն՝ Լոս Անջելեսից Օքլենդ Southwest-ի չվերթն իրականացվում է Boeing 737-700 ինքնաթիռով, որում ընդհանուր 149 տեղ է հաշվվում։ Թռիչքի տևողությունը միջինը մեկուկես ժամ է կազմում։
Տեսանյութը կարող եք դիտել այստեղ։