Պարետն այս ընթացքում ընդունել է նորմատիվ իրավական ակտեր, ինչի իրավունքը չուներ. Էդմոն Մարուքյան (տեսանյութ)
Պարետն այս ընթացքում ընդունել է նորմատիվ իրավական ակտեր, ինչի իրավունքը չուներ: Այս մասին Ազգային ժողովում ելույթների ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը:
Նա նշեց, որ իրենք կառուցողական ճանապարհով են գնացել և առաջարկություններ են ներկայացրել: Նա նկատեց, որ Կառավարությանը և քաղաքապետներից ոչ մեկ չասաց, որ քաղաքացիները չեն կարող ձեզ վտարել ձեր վարձը չվճարելու համար, քանի որ տուժել եք, և Էդմոն Մարուքյանը նշեց, որ հիմա մարդկանց տներից վտարում են:
Անդրադառնալով այսօր Կառավարության հաստատած կոմունալ վճարների փոխհատուցմանը՝ Էդմոն Մարուքյանն ասաց. «Ըստ մեր տվյալների մոտավորապես 20 հազար ընտանիք է, որ տասը հազար դրամից քիչ գազ է ծախսում, խնդրում եմ հստակ ասել, թե քանի ընտանիքի վրա է սա տարածվում»,-ասաց նա:
Խմբակցության ղեկավարը ներկայացրեց իրենց առաջարկները և նշեց, որ առաջարկում են սանիտարահամաճարակի կանոնների խստիվ պահպանմամբ թույլատրվեն որոշ սահմանափակումներ՝ սկսած Երևանի մետրոպոլիտենի, ավտոբուսների աշխատանքը թույլատրելուց: Ինչ վերաբերում է նրան, որ դա ռիսկ է, ապա Էդմոն Մարուքյանը տաքսին ևս ռիսկ համարեց: Ըստ Մարուքյանի՝ շինանյութի, տնտեսական, սպորտի խանութները պետք է վերաբացվեն, արհեսագործական նշանակության կետերը ևս առաջարկում են բացել՝ սկսած կոշկակարի կետերից: Առաջարկում են նաև միջմարզային տրանսպորտի գործունեության թույլատրում, գյուղատնտեսական և շինարարական աշխատանքների ապահովման նպատակով, մեքենաների տեխնիակակն սպասարկման կետերի վերաբացում:
«Մենք հասկանում ենք, որ նման առաջարկներ անելով՝ մեզ վրա քաղաքական պատասխանատվություն և ռիսկ ենք վերցնում ձեզ հետ, որ պետք է փուլ առ փուլ հնարավորություն տալ այդ ոլորտները աշխատեն»,-ասաց նա:
Էդմոն Մարուքյանն ասաց, որ ցանկացած իրավիճակ մեր օրենսդրությունը, Սահմանադրությունը նախատեսել է կանոններ և չենք կարող այդ կանոններից դուրս գալ:
«Ինչ վերաբերում է արտակագ դության ռեժմի այն դրույթին, որ շատ իշխանական իրաբավաններ պնդում էին, որ մեկ անգամ 30 օրով կարող եք ավելացնել և վերջ, ես ուզում եմ այդ մարդկանց հայացքները տեսնել, որբ կառավարությունը ասեց, որ անդադար ամեն 30 օրը լրանալուց կարող ենք ավելացնել: Գոնե դուք հավաքվեք, որոշեք 30 օրը մեկ անգամ կարող են ավելացնել, թե ամեն 30 օրը մեկ անգամ կարող եք ավելացնել, որ քաղաքացիներին ճիշտ ուղերձներ տաք»,-ասաց նա և հույս հայտնեց գործընկերների աջակցությունը ստանալ: