ԼՀԿ-ն իշխանության արբանյակն է, որը գնում է ՕԵԿ-ի ճանապարհով․ քաղտեխնոլոգ
Քաղտեխնոլոգ Արմեն Բադալյանը ԱԺ ԼՀԿ խմբակցության ներկայացրած նախագծի՝ կապված «Ազգային անվտանգության մարմիններում ծառայության մասին» ՀՀ օրենքում փոփոխություններ անելու հետ, և ԱԱԾ տնօրենի ու Ոստիկանապետի հրաժարականի հետ տրամաբանական կապ չի տեսնում։ Նա Tert.am-ի հետ զրույցում նշեց, որ այս նախագիծն ավելի վեղեմի պատմություն ունի, ավելին՝ այն պետք է հաստատվեր՝ անկախ նրանից կլինեին պաշտոնանկութուններ, թե՝ ոչ։ Նրա խոսքով՝ այս նախագիծն էլ ավելի է ամրապնդել ձևավորվող անձնիշխան համակարգը։
«Մենք տենում ենք, որ ՀՀ վարչապետը շատ արագ տեմպերով փորձում է կառուցել իր անձնիշխան համակարգը։ Անձիշխան համակարգը նույն այն համակարգն էր, որը կար մինչև անցած տարվա ապրիլյան ժամանակը, սակայն այն ժամանակ համակարգը ծառայում էր քրեաօլիգարխիային, իսկ հիմա սպասարկում է կոնկրետ մեկ անձի իշխանությանը։ Այս համակարգն ավելի ամրապնդելու համար անհրաժեշտություն է առաջացել, որ իշխող քաղաքական թիմը կամ նրա արբանյակը՝ «Լուսավոր Հայաստանը», բերեն օրենքի մի նախագիծ, որով հնարավորություն կտան վարչապետնին ուժային այդ կառույցների՝ ԱԱԾ-ի ու Ոստկականության ղեկավարի պաշտոններում նշանակել իրեն քաղաքակաապես էլ ավելի վստահելի անձանց»,- ասաց նա։
Բադալյանը նկատեց, որ մինչ այս օրենքն էլ ԱԱԾ տնօրենին ու Ոստիկանապետին նշանակում էր վարչապետը, սակայն նշանակում էր համակարգից։ Նա շեշտեց, որ նախագծով այս ուժային կառույցների ղեկավարները դառնում են քաղաքական պաշտոնյաներ, սակայն հաշվետու չեն լինում խորհրդարանին, ինչպես նախարարները։
«Այո, հիմա էլ ԱԱԾ տնօրենին ու Ոստիկանապետին նշանակում է վարչապետը, բայց նրանք համակարգի ներկայացուցիչներ էին, և համակարգում իրենց առաջխաղացման համար այդքան էլ պարտական չէին վարչապետին, քանի որ մինչ նշանակումը նրանք արդեն իսկ համակարգի բարձրաստիճան պաշտոնյաներ էին։ Հիմա վարչապետը ցանկանում է նշանակել այնպիսի մարդկանց, որոնք միայն իրեն են պարտական այդ պաշտոնը զբաղեցնելու համար և ծառայելու են միայն իրեն։ Այո, ասվում է, որ ԱԺ-ի հետ հարց ու պատասխան կլինի, բայց այս պաշտոնյաները հաշվետու չեն խորհրդարանին»,- շարունակեց Արմեն Բադալյյանը։
Ինչ վերաբերում է հարցին, թե ինչու ընդդիմադիր ԼՀԿ-ն ներկայացրեց իշխանությանը շահեկան նախագիծ, Բադալյանը շեշտեց, ու ԼՀԿ-ն իշխանության արբանյակն է։ Արմեն Բադալյանը նշեց, որ խորհրդարանական խմբակցություններից 2-ը՝ ԼՀԿ-ն ու ԲՀԿ-ն իրենց կարգավիճակով ընդդմություն են, քանի որ չեն մասնակցել կառավարության ձևավորմանը։ Միևնույն ժամանակ շեշտեց, որ ՀՀ նախորդ 30 տարվա քաղաքական պատմությունը ցույց է տվել, որ կարգավիճակով կարող ես լինել ընդդիմություն, բայց բովանդակնությամբ կարող ես լինել իշխանությունների այլըտրանքը։
«Ավելին՝ մենք շատ ենք տեսել գրպանային ընդդիմություններ, որի լավագույն օրինակը ժամանակին ՕԵԿ-ն էր, որն այս պահի դրությամբ փաստացի գոյություն չունի։ ԼՀԿ-ն ընտրությունների ժամանակ բավականին բարձր ձայն հավաքեց, իսկ իր ընտրազանգվածը չափավոր արևմտամետ զանգված էր, որն հույս ուներ, որ ԼՀԿ-ն խորհրդարանում կապող օղակի դեր կկատարի եվրոպական արժեքային համակարգի ու ՀՀ միջև, բայց ինչպես տեսնում ենք ԼՀԿ-ն չարդարացրեց իր ընտրազանգվածի սպասումները և կամավոր վերածվում է քաղաքական առևտուր անող մի կառույցի։ Այս պահի դրությամբ քաղաքական առևտուր է անում վարչապետի հետ, եթե վաղը իրավիճակ փոխվի, կարող է քաղաքական առևտրի մեջ մտել այլ կառույցի հետ, մինչև այն պահը, որ կվերածվի այն կարգավիճակին, որն այս պահին ՕԵԿ-ն ունի, այսինքն՝ գրացաված է ԱՆ-ում։ ՕԵԿ-ի թեկնածուն էլ ժամանակին 300 հազարից ավել ձայն էր ստացել, բայց նրան մասին ոչ մեկ այսօր չի հիշում։ Հիմա ԼՀԿ-ն գնում է ՕԵԿ-ի ճանապարհով»,- եզրափակեց Արմեն Բադալյանը։
Հիշեցնենք, որ ԼՀԿ-ն ԱԺ է ներկայացրել «Ազգային անվտանգության մարմիններում ծառայության մասին» ՀՀ օրենքում փոփոխություններ կատարելու մասին նախագիծը, որով առաջարկվում է ԱԱԾ տնօրենի և ոստիկանության պետի պաշտոնները համարել քաղաքական պաշտոն և այդ պաշտոններում նշանակվող անձանց համար սահմանել պատգամավորի թեկնածուին ներկայացվող պահանջները: