Ինչու՞ էին ամերիկացիները պատերազմի ժամանակ երկնքից դաշնամուրներ նետում
Դա իրական փաստ է անցյալից. ամերիկացիները պատերազմի ժամանակ երկնքից հազարավոր դաշնամուրներ են նետել: Դագաղներ՝ երաժշտական գործիքների փոխարեն Երբ սկսվեց Երկրորդ համաշխարհային պատերազմը, ամբողջ արդյունաբերությունը, որտեղ օգտագործում էին կարեւոր մետաղներ, կանգ առավ: Հումքն ուղղվում էր զենք-զինամթերքի պատրաստման համար: Ինչ-որ կերպ գոյություն պահպանելու եւ չփակվելու համար երաժշտական գործիքներ արտադրող շատ ընկերություններ փոքրիկ խորամանկության գնացին եւ սկսեցին փայտանյութից …
The post Ինչու՞ էին ամերիկացիները պատերազմի ժամանակ երկնքից դաշնամուրներ նետում appeared first on ԳԱԼԱ.
Դա իրական փաստ է անցյալից. ամերիկացիները պատերազմի ժամանակ երկնքից հազարավոր դաշնամուրներ են նետել:
Դագաղներ՝ երաժշտական գործիքների փոխարեն
Երբ սկսվեց Երկրորդ համաշխարհային պատերազմը, ամբողջ արդյունաբերությունը, որտեղ օգտագործում էին կարեւոր մետաղներ, կանգ առավ: Հումքն ուղղվում էր զենք-զինամթերքի պատրաստման համար: Ինչ-որ կերպ գոյություն պահպանելու եւ չփակվելու համար երաժշտական գործիքներ արտադրող շատ ընկերություններ փոքրիկ խորամանկության գնացին եւ սկսեցին փայտանյութից տարբեր այլ իրեր արտադրել՝ մանկական խաղալիքներից սկսած մինչեւ դագաղներ:
Հանրահայտ Steinway & Sons ընկերությունը եւս, որն այսօր էլ ռոյալներ եւ դաշնամուրներ է արտադրում, այն տարիներին ճակատի համար անհրաժեշտ դետալներ էր արտադրում: Սակայն պատերազմի մեկնարկից 2 տարի անց նրանց հանձնարարեցին պատասխանատու նախագիծ իրականացնել. փոքր դաշնամուր մշակել, որը հեշտությամբ կարող էին տեղափոխել 4 հոգով:
Դաշնամուր, որը կարող է թռչել պարաշյուտով
Որոշ ժամանակ անց հայտնվեցին Victory Verticals տեսակի դաշնամուրները, որոնց քաշը մոտ 200 կգ էր, իսկ երկարությունը շուրջ 1 մետր: Դրանք մշակում էին հատուկ լուծույթով՝ միջատների դեմ, պատում էին հատուկ բաղադրանյութով՝ խոնավությունից պաշտպանելու համար: Բայց ամենակարեւորն այն էր, որ Victory Verticals-ի պատրաստման համար շատ քիչ մետաղ էր օգտագործվում՝ գործիքի 1/10-րդ մասը:
Դաշնամուրները շատ թեթեւ ու կոմպակտ էին, եւ հեշտությամբ կարելի էր դրանք նետել երկնքից: Steinway & Sons ընկերությունը դրանք փաթեթավորելու համար պատրաստեց նաեւ հատուկ արկղեր:
Պատերազմի ժամանակ ամերիկացի զինվորականների համար պարաշյուտով նետվել է ընդհանուր առմամբ շուրջ 2.500 հատ դաշնամուր:
Երաժշտությունը՝ պատերազմից շեղելու միջոց
Երաժշտությունը պատերազմի բոլոր սարսափներից շեղելու ամենադյուրին եւ վստահելի միջոցն էր: Զինվորները նվագում էին, երգում եւ սովորում նոտաները: Դա հրաշալի զվարճանք էր, ինչը հոգեբանորեն օգնում էր զինվորներին:
Պատերազմի ընթացքում Steinway & Sons ընկերությունն արտադրել է շուրջ 5.000 դաշնամուր, որոնց կեսը հայտնվել է ճակատում: Մնացած դաշնամուրները բաժին են հասել հասարակական կազմակերպություններին, դպրոցներին, հյուրանոցներին, կրոնական հաստատություններին:
Այդ երաժշտական գործիքները պատերազմից հետո էլ դեռ մի քանի տասնամյակ ծառայել են զինվորականներին: Դրանցից մի քանիսը կարելի է այսօր տեսնել թանգարաններում:
Աղբյուր՝ travelask.ru
The post Ինչու՞ էին ամերիկացիները պատերազմի ժամանակ երկնքից դաշնամուրներ նետում appeared first on ԳԱԼԱ.