Փաստաբանը այսօր դատարանից պահանջելու է վերացնել Նավալնու 30 օրվա ազատազրկման վճիռը
Ալեքսեյ Նավալնու փաստաբան Օլգա Միխայլովան այսօր Մոսկվայի դատարանում կայանալիք նիստին պահանջելու է վերացնել ռուսաստանցի ընդդիմադիր գործչի 30 օրվա ազատազրկման վճիռը։
Նավալնին ազատազրկման է դատապարտվել հուլիսի 27-ի չարտոնված բողոքի ակցիայի կազմակերպման համար, որի մասնակիցներից շուրջ 1400-ը բերման են ենթարկվել կամ ձերբակալվել ոստիկանության հետ բախումների հետևանքով։
Երեկ փաստաբանն ասել է, որ բողոքարկման հայցով պահանջելու է վերացնել Նավալնու նկատմամբ վարչական դատարանի որոշումը՝ փաստերի բացակայության կամ ընդդիմադիր գործչի վատառողջ լինելու հիմքով։
Անցած շաբաթ օրը բողոքի ակցիան կազմակերպվել էր Մոսկվայի դումայի ընտրություններում մի խումբ անկախ և ընդդիմադիր թեկնածուների գրանցումը մերժելու մասին քաղաքային ընտրական հանձնաժողովի որոշման դեմ: