Իլշատ Ֆայզուլինը նոր պայմանագիր կկնքի «Բանանցի» հետ. պաշտոնական
Armsport-ը գրում է.
Մայիսի 29-ին տեղի կունենա «Բանանցի» գլխավոր մարզիչ Իլշատ Ֆայզուլինի հետ նոր պայմանագրի կնքման արարողությունը։
Այս մասին տեղեկացնում է երևանյան ակումբի պաշտոնական կայքը:
Պայմանագրի ստորագրումից հետո Իլշատ Ֆայզուլինը և ակումբի սեփականատեր Ջևան Չելոյանցը կպատասխանեն լրագրողների հարցերին։
Հավելենք, որ Բարձրագույն խմբի առաջնության վերջին տուրից առաջ «Բանանցը» 52 միավորով 3-րդ տեղում է:
Ֆայզուլինը թիմի գլխավոր մարզչի պարտականությունները կատարում էր 2018 թվականի օգոստոսից, իսկ սեպտեմբերից պաշտոնապես նշանակվել էր այդ պաշտոնում: