Պուգաչովայի երկրպագուներին բարկացրել է Անաստասիա Վոլոչկովայի «ելույթը» Պրիմադոննայի հոբելյանական համերգի ժամանակ (տեսանյութ)

Ռուս պարուհի Անաստասիա Վոլոչկովան հարուցել է համացանցի օգտատերերի զայրույթը Ալլա Պուգաչովայի հոբելյանական համերգի ժամանակ բեմում դրսևորած վարքագծով:

Ինչպես ներկայացնում է Корреспондент-ը, այն պահին, երբ ռուսական էստրադայի Պրիմադոննան կատարելիս է եղել Счастье երգը, ցուցադրաբար բեմ է բարձրացել Վոլոչկովան: Պուգաչովան վերջինիս ներկայացրել է որպես «Instagram-ի աստղ», այնուհետև նախկին բալերինուհին դեղին կոստյումով շպագատ է նստել: Վայրկյաններ անց նա մի քանի շարժում կատարելով կրկին շպագատ է նստել:

Տվյալ պահը պատկերող տեսանյութը հրապարակվել է Վոլոչկովայի ինստագրամյան էջում և մի քանի ժամում 75 000 դիտում ունեցել:

Պուգաչովայի երկրպագուներից շատերը դժգոհ են մնացել պարուհու «արարքից»՝ քննադատելով վերջինիս և անվանելով «ծաղրածու» և «ծաղրի առարկա»:

Հիշեցնենք, որ ապրիլի 17-ին Ալլա Պուգաչովան իր 70-ամյա հոբելյանին նվիրված համերգ է տվել Կրեմլում:

 

 

 

View this post on Instagram

A post shared by Анастасия Волочкова (@volochkova_art) on Apr 18, 2019 at 4:47am PDT