Թուրքիային ուղղված Թրամփի սպառնալիքներից հետո Սիրիայի քրդերը դադարեցրել են բանակցությունները Ասադի ռեժիմի հետ
ԱՄՆ նախագահ Դոնալդ Թրամփի՝ Թուրքիային ուղղված սպառնալիքներից հետո Սիրիայի քրդական զինված ջոկատները դադարեցրել են բանակցությունները Սիրիայի նախագահ Բաշար ալ Ասադի ռեժիմի հետ, այս մասին գրում է Sputnik-ի թուրքական ծառայությունը:
«Սիրիայի դեմոկրատական ուժեր» քրդամետ խմբավորման ներկայացուցիչներից Ռշադ Բիենաֆը լրատվամիջոցներին հայտնել է, որ բանակցությունները ամբողջովին դադարեցվել են, ըստ նրա՝ պատճառը կողմերի միջև անհամաձայնություններն են, որոնց շուրջ կողմերն այդպես էլ չեկան որևէ հանգուցալուծման:
Ավելի վաղ, երբ հայտնի էր դարձել Սիրիայից ամերիկյան զորքերի դուրս բերման մասին Թրամփի որոշման մասին, թուրքական ԶՈւ-ի հնարավոր նոր լայնամասշտաբ հարձակման վտանգի առկայության պայմաններում իրենց դաշնակից ԱՄՆ-ի հետ քաշվելը «հարված է թիկունքից»: Այդ ժամանակ քրդական ուժերը սկսել էին բանակցել Ասադի ռեժիմի հետ, քրդական ուժերի վերահսկողության տակ գտնվող Մանբիջ էր մտել ռուսական ռազմական ոստիկանություն:
Հիշեցնենք, որ Թրամփը պառնացել էր Թուրքիային տնտեսական պատժամիջոցներով` Սիրիայի քրդերի դեմ հարձակման դեպքում:
Նշենք, որ Թուրքիայի նախագահի մամուլի խոսնակ Իբրահիմ Քալընը Թրամփի սպառնալիքին ի պատասխան ասել է, որ Թուրքիան պայքարում է ոչ թե քրդերի, այլ ահաբեկիչների դեմ: Իսկ երկրի արտգործնախարար Մևլյութ Չավուշօղլուն ի պատասխան Թրամփի սպառնալիքներին հայտարարել էր, որ Թուրքիան չի վախենում սպառնալիքներից: