Հալեպի ուղղությամբ ահաբեկիչները քլոր պարունակող հրթիռներ են արձակել. կան տուժածներ
Հալեպի բնակելի շրջաններից մեկն ահաբեկիչները հրետակոծել են քլոր պարունակող հրթիռներով, հաղորդում է SANA լրատվական գործակալությունը, հղում անելով քաղաքի ոստիկանությանը:
Աղբյուրը նշում է, որ հրետակոծվել է Հալեպի ալ-Խալիդիա շրջանը, որի հետևանքով տուժել է մոտ երեսուն խաղաղ բնակիչ: Նրանք տառապել են շնչահեղձությունից և շտապ տեղափոխվել են հիվանդանոց:
Լրատվամիջոցի փոխանցմամբ՝ զինյալները կրակ են բացել նաև Ալ-Զահրա շրջանի և Նիլ փողոցի ուղղությամբ:
Հալեպի արվարձանում տեղակայված ահաբեկիչներն ականանատերերով և ինքնաշեն հրթիռներով պարբերաբար կրակի տակ են առնում քաղաքի ծայրամասերն ու կենտրոնը, ինչի հետևանքով զոհվում են բանակի զինվորներ և խաղաղ բնակիչներ: