Աշխարհի ամենաթանկարժեք դասական մեքենան. լեգենդար Ferrari-ն վաճառվել է ռեկորդային գնով (լուսանկարներ)
Իտալական Ferrari 250 GTO սպորտային մեքենան, որն արտադրվել է 1963 թվականին, դարձել է աշխարհի ամենաթանկարժեք դասական մեքենան:
Ինչպես հայտնում է Motor.ru-ն, ամերիկացի կոլեկցիոները, որի անունը չի հաղորդվում, լեգենդար մեքենայի համար վճարել է 70 մլն դոլար: Վաճառված մեքենան սպիտակ երանգներով արծաթագույն 250 GTO սպորտային մոդելն է, որը մեկն է մինչ օրս պահպանված 3-4 նմուշից:
Առավել մեծ հայտնիություն մեքենան ստացել է տարբեր մրցաշարերի մասնակցելու արդյունքում:
2000 թվականին մի քանի սեփականատեր փոխելուց հետո Ferrari 250 GTO-ն 6.5 մլն-ով վաճառվել է գերմանացի կոլեկցիոներին: Մեքենան համալրված է 300 ձիաուժ հզորություն ունեցող 3 լիտր աշխատանքային ծավալով V12 շարժիչով և մեխանիկական փոխանցման տուփով: 100 կմ/ժամ արագությունը մեքենան զարգացնում է 6 վայրկյանում: