«Գազպրոմը» հարյուրավոր աշխատատեղեր է կրճատել լոնդոնյան գրասենյակում. Reuters
Ռուսական «Գազպրոմ» նավթագազային ընկերությունը հարյուրավոր աշխատատեղեր է կրճատել իր արտասահմանյան գրասենյակներում, իսկ կրճատված աշխատակազմին տեղափոխելու է Սանկտ Պետերբուրգ: Այս մասին հայտնում է Reuters գործակալությունը՝ հղում անելով իր աղբյուրներին:
Աղբյուրներից մեկի խոսքով՝ «Գազպրոմի» գործողությունները կազմում են կապիտալի հայրենադարձությանն ուղղված առավել լայնամասշտաբ ծրագրի մի մասը: Այդ ծրագիրն առաջարկել էր ՌԴ նախագահ Վլադիմիր Պուտինը՝ ռուսական ընկերությունների խոցելիությունը նվազեցնելու նպատակով:
Մեծ Բրիտանիայի վարչապետ Թերեզա Մեյն ավելի վաղ հայտարարել էր, որ երկիրը կարող է կասեցնել բարձր մակարդակի երկկողմ հարաբերությունները Ռուսաստանի հետ:
Մասնավորապես, Միացյալ Թագավորությունը հետ է կանչել ՌԴ ԱԳ նախարար Սերգեյ Լավրովի՝ Լոնդոն այցելելու հրավերը: «Այդ ցնցող միջադեպից հետո մենք չենք կարող հարաբերությունները թողել նախկին մակարդակի վրա», - ասել է Մեյը:
Հիշեցնենք, որ Թերեզա Մեյը հայտարարել էր 23 ռուս դիվանագետի արտաքսելու մասին՝ ռուսական հետախուզական վարչության նախկին աշխատակից Սերգեյ Սկրիպալի և նրա դստեր թունավորմանն առնչություն ունենալու պատճառով: