Հայաստանի ավտոճանապարհներն անցանելի են, Լարսը բաց է
Այսօր ժամը 9-ի դրությամբ Հայաստանի տարածքում փակ և դժվարանցանելի ավտոճանապարհներ չկան, Կոտայքի մարզում առկա է մառախուղ:
Արտակարգ իրավիճակների նախարարության հաղորդագրության համաձայն՝ այսօր օրվա երկրորդ կեսից մինչև վաղը օրվա երկրորդ կեսը, դեկտեմբերի 8-ի ցերեկը Հայաստանի ամբողջ տարածքում, դեկտեմբերի 7-ի երեկոյան ժամերին Սյունիքում և Լեռնային Ղարաբաղում սպասվում են տեղումներ, այսօր լեռնային շրջաններում՝ ձյան, հովտային և նախալեռնային շրջաններում՝ թաց ձյան և ձնախառն անձրևի, վաղը երկրի ամբողջ տարածքում՝ ձյան, դեկտեմբերի 8-ի ցերեկը՝ թույլ ձյան տեսքով:
Դեկտեմբերի 8-ի գիշերը, դեկտեմբերի 9-ին, 10-ին սպասվում է առանց տեղումների եղանակ:
ԱԻՆ-ը վարորդներին հորդորում է մարզեր երթևեկել բացառապես ձմեռային անվադողերով։
Վրաստանի ներքին գործերի նախարարության արտակարգ իրավիճակների դեպարտամենտից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: