Կառավարությունը երկարաձգում է «65 ռազմական գործարան» ՓԲԸ-ի զենքի արտադրության լիցենզիան

Կառավարության առաջիկա նիստի օրակարգում է 65 ռազմական գործարան ՓԲԸ-ի զենքի արտադրության լիցենզիան 5 տարի ժամկետով երկարաձգելու հարցը:

Որոշման նախագծի ընդունման հիմք է հանդիսանում «Լիցենզավորման մասին» Հայաստանի Հանրապետության օրենքի 30 և 43-րդ, «Զենքի մասին» Հայաստանի Հանրա­պետության օրենքի 9-րդ հոդվածների դրույթները, կառավարու­թյան 2002 թվականի դեկտեմբերի 5-ի N2048-Ն որոշումը, ինչպես նաև «65 ռազմական գործարան» փակ բաժնետիրական ընկերության կողմից ներկա­յացված հայտը:

«65 ռազմական գործարան»-ը 2012 թվականից առ այսօր կատարել է զենքի արտադրության 957893.0 հազ. դրամի (առանց ԱԱՀ-ի) պետական պատվերով նախատեսված պայմա­նագրային աշխատանք­ներ, այդ թվում ըստ տարիների՝

2012թ.- 119321.0 հազ.դրամ,

2013թ.- 158618.0 հազ.դրամ,

2014թ.- 184249.0 հազ.դրամ,

2015թ.- 243800.0 հազ.դրամ,

2016թ.- 251905.0 հազ.դրամ,

Հաշվի առնելով վերը նշվածը՝ նպատա­կա­հարմար է երկարաձգել նրան տրված ռազմամթերքի արտադրության լիցենզիայի գործողության ժամկետը ևս 5 տարով:

Նախագծի որոշմանը կից ներկայացված տեղեկույթում նշվում է, որ այն թույլ կտա իրականացնել ռազմական արդյունաբե­րու­թյան համակար­գա­յին բա­րե­փոխումները և զարգացումը: